Ikasketak euskaraz egiteko aukera eskaintzearekin bat, UPV/EHUren Zuzenbide Fakultatean etengabeko lana egin da euskarazko eskuliburuen eskaintza zabaltzen joateko. Lehenbizi, itzulpenaren-bidea jorratu zen. Horren emaitza dira 90.eko hamarraldiaren hasieran argitaratutako lau lan: Zuzenbide Zibilaren Hastapenak, Zuzenbide Konstituzionala I, Zuzenbide Konstituzionala II eta Familiaren Zuzenbidea.
Baina berehala ikusi zen emankorragoa izango zela materialak zuzenean euskaraz sortzea. Ahalegin horren emaitza dira paperean argitaratutako hainbat lan: Zuzenbide Penaleko eta Zuzenbide Zibilek Koadernoak, Ekonomiaren Hastapenak, Zuzenbide Zibila eta Merkatal Zuzenbidea, Zuzenbidea eta Enpresa, Zuzenbide Teoriari buruzko eskuliburua, Oinordetza Zuzenbidea, Zuzenbide Penaleko Zati Orokorra eta Pertsonaren Zuzenbidea, Administrazio Zuzenbidearen Hastapenak, Zuzenbide Sindikala…
Hasierako ahaleginak ekimen partikularrak izan ziren, hein handi batean. Baina, 2003/2004 ikasturtean Zuzenbide Fakultateak euskarazko irakaskuntza-materialak sortzeko egitasmo bat proposatu zion UPV/EHUren Euskara Errektoreordetzari. Harrezkero, hainbat lan garatu eta argitaratu dira UPV/EHUren Euskara Zerbitzuarekin elkarlanean. Gehienak formatu elektronikoan zabaldu dira ikasmaterialen testubiltegian. Hona sarean eskuragarri dauden lanen zerrenda:
2003 Zuzenbide Penaleko Ikasgaiak. Zati orokorra eta zati berezia
2005 Zuzenbide Zibileko Ikasgaiak. Pertsona
2006 Zuzenbide Prozesalerako Sarrera
2007 Epai-babes zibil adierazlea: Prozesu zibil adierazle arruntak
2007 Estatuko Zuzenbide Eliztarra. Atal Orokorra
2007 Euskal Zuzenbide Zibilaren oinarriak
2007 Prozesu zibila: exekuzioa eta kautelazko neurriak
2007 Zigor-prozesua: exekuzioa eta kautela
2008 Administrazio Zuzenbidea - Atal Berezia
2008 Zuzenbide Erromatarreko Praktikak
2009 Eskubide Errealak
2009 Familia Zuzenbidea
2009 Ministerio Fiskala espainiar ordenamentu juridikoan
2009 Ondasun zuzenbidea
2010 Administrazio zuzenbidea eta ekonomian esku hartzeko teknikak
2010 Ezkontza-Sistema eta Kontzientzia-Askatasuna
2010 Lan Prozesua
2011 Adingabeen zuzenbide penala
2011 Bake epaitegien antolaketa eta lana
2011 Balore-tituluak: kanbio-letra, txekea eta zor-agiria
2011 Zuzenbide zibila I
2011 Zuzenbide zibila III (Betebeharren zuzenbidea, erantzukizun zibila eta kontratuen teoria)
2011 Zuzenbide zibila: obligazio-zuzenbidea eta erantzukizun zibila
2012. Administrazioko eta Zuzenbideko euskara: Ikuspegi jurilinguistikoa (argitaratze bidean)
Azken urteotan UPV/EHUko Zuzenbide Fakultateko hainbat irakasleek beste lan batzuk ere argitaratu dituzte euskaraz beste argitaletxe eta erakunderekin elkarlanean: Zuzenbideaz Teoria Kritiko Orokorra, Lan Zuzenbidearen Iturriak, Prozedura Zibileko Lege Berria, Lan-zuzenbide jurisdikzionala, Zerbitzu Publikoen Kontzeptua eta Kudeaketa, Euskal Autonomia Erkidegoko Ekonomia Ituna eta Nafarroako Ekonomia Hitzarmena, Publizitate zuzenbideko eskuliburua, Arbitrajea gatazka juridikoak konpontzeko beste baliabidea, Zuzenbide Penala arrazakeriaren eta xenofobiaren aurrean, Kontzientzia-askatasuna Jurispurdentziaren praxian, eta abar.
Ikus Argitalpenak
© 2012 euskara juridikoaren ataria
Arduraduna: Joseba Ezeiza Ramos, Euskal Hizkuntza eta Komunikazioa Saila (UPV/EHU)